雞煲向來係香港人必食菜式!
香港人到底有幾鐘意食麻辣雞煲? 根據香港某食評網嘅非正式統計香港有超過四百間雞煲店，FACEBOOK 上亦有香港雞煲關注組，大家會係上面分享香港窿窿罅罅雞煲店試食食評，可見香港人對麻辣雞煲嘅痴迷程度不一般。
唔知大家平時鍾情去邊度食麻辣雞煲呢? 街邊大排檔或者係餐廳? 不過我諗點出街食都唔夠係屋企食嚟得舒服自在。
正所謂「雞煲要食得麻甩、麻甩去邊都食得」
點解「麻甩雞煲」叫「麻甩雞煲」? 除咗包含雞煲嘅「麻」同「辣」之外，仲有另一重意味，「麻甩佬」係廣東話專門稱呼粗魯男人嘅俗語。後來麻甩二字演變成形容生活貼地、不拘小節嘅人。營火希望大家隨時隨地用最舒適自在嘅方式去享受麻辣雞煲。
「麻甩雞煲」用上精選三黃雞全雞製作，保證食落啖啖肉，唔怕爭雞食。精選配料包括: *洋蔥、乾蔥、雲耳、雞脾菇。加埋用超過30款香料自家秘製「麻」辣滋味，保證隨時隨地「甩」開煩惱，令你一試難忘。
一鍋兩食
食完麻辣雞煲嘅指定動作係咩?
「加湯啊!」
我地提供自家製湯底「蝦頭清雞湯」，湯頭以蝦頭、雞熬製而成，清甜得嚟夾帶陣陣蝦頭嘅濃厚鮮味，試過你就知咩係世界級享受。另外推介多兩款精選牛俾大家，第一款極上美國和牛金標三筋肉，哩款肉質嫩滑、牛味濃郁、口感有韌勁，打邊爐必備。第二款純黑安格斯牛小排肥牛，牛小排肉質嫩滑，油脂分佈均勻，數量稀少，因此非常矜貴，打邊爐食多兩塊都唔怕膩。
產品包裝再升級
為咗方便大隨時隨地享用麻辣雞煲，我地喺包裝上落咗唔少心思。包裝盒採用一次性安全鎖，一啪即開鎖，更安全衛生! 蓋亦用上密封圈設計，無論你拎幾遠都唔怕漏!
麻甩雞煲食用方法
1. 將麻甩雞煲倒入鍋中，加蓋中火加熱5-8分鐘即可食用。
2. 嘆完雞煲，加入套餐附帶蝦頭清雞湯包。
3. 待湯底沸騰後，按個人口味添加麻辣醬或辣粉。
4. 加入打邊爐食材。
5. 即可以麻辣湯底打邊爐。
雞煲市集
如果有留意開我地FACEBOOK同INSTAGRAM嘅朋友應該都知道我地上星期已經係荃灣 MINI AUTUMN FEST 以及 駱駝漆市集同大家見過面。另外有多個好消息就係星期六日「麻甩雞煲」會喺D2 PLACE 市集再一次同大家見面。到時將會再有市集限定版嘅「麻甩雞煲」比大家搶購。
「D's Christmas 聖誕跨年市集」市集
地點: 觀塘協和街33號裕民坊商場1樓177舖 DSPARK
日期: 2022年11月28日至2023年1月1日 （逢星期六、日）
時間: 10:00-20:00
「襪．意聖誕市集」市集預告
地點: 荔枝角長義街9號 D2 PLACE 二期地下
日期: 2022年12月3-4日
時間: 13:00-20:00
如果你都係雞煲愛好者，一定要過嚟試下我哋精心炮製嘅麻甩雞煲！
麻甩雞煲外賣已經登陸網站！
大家記住Follow 我哋 facebook 同 instagram 緊貼最新消息。